rang-e-nazar se husn-e-tamanna nikhaar ke
rañg-e-nazar se husn-e-tamannā nikhār ke
baiThī huuñ aaj kākul-e-hastī sañvār ke
guzrī huuñ maiñ nafas kī kashākash se jis tarah
dhāroñ se laḌ rahī thī kisī ābshār ke
paañv ke ābloñ se na pūchho safar kā haal
qisse haiñ dardnāk rah-e-ḳhār-zār ke
daur-e-ḳhizāñ gayā na gayā is se kyā ġharaz
manzar jamā liye haiñ nazar meñ bahār ke
vaqt-e-sahar hai garche ujālā abhī nahīñ
ye jaal rafta rafta khuleñge ḳhumār ke
vo aa rahī hai duur se ḳhurshīd kī kiran
'shāhīn' dar khule haiñ mire intizār ke
rang-e-nazar se husn-e-tamanna nikhaar ke
baiThi hun aaj kakul-e-hasti sanwar ke
guzri hun main nafas ki kashakash se jis tarah
dhaaron se laD rahi thi kisi aabshaar ke
panw ke aablon se na puchho safar ka haal
qisse hain dardnak rah-e-KHar-zar ke
daur-e-KHizan gaya na gaya is se kya gharaz
manzar jama liye hain nazar mein bahaar ke
waqt-e-sahar hai garche ujala abhi nahin
ye jal rafta rafta khulenge KHumar ke
wo aa rahi hai dur se KHurshid ki kiran
'shahin' dar khule hain mere intizar ke
Source:
Shora-e-London (Pg. 118)
- Author: Jauhar Zahiri
-
- Edition: 1985
- Publisher: Books From India (U.K) Ltd. 45, Museum Street, Londan W.C-1
- Year of Publication: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
