rang-e-sohbat badalte jate hain
rañg-e-sohbat badalte jaate haiñ
saath ke yaar chalte jaate haiñ
jin kī karte ho tum masīhā.ī
vo marīz ab sambhalte jaate haiñ
dil meñ hone lagā huzūr kā ghar
aap sāñche meñ Dhalte jaate haiñ
zulf ulajhte hai un ke bāloñ se
saañp kā sar kuchalte jaate haiñ
shā.eq-e-qatl kū-e-qātil meñ
kūdte aur uchhalte jaate haiñ
dekhte haiñ vo apnā joban aap
ab to kuchh kuchh sambhalte jaate haiñ
ham to rote udhar se aate haiñ
aap idhar se machalte jaate haiñ
'mehr' so.e the kis ke saath ki sub.h
ThanDe ThanDe bhī jalte jaate haiñ
rang-e-sohbat badalte jate hain
sath ke yar chalte jate hain
jin ki karte ho tum masihai
wo mariz ab sambhalte jate hain
dil mein hone laga huzur ka ghar
aap sanche mein Dhalte jate hain
zulf ulajhte hai un ke baalon se
sanp ka sar kuchalte jate hain
shaeq-e-qatl ku-e-qatil mein
kudte aur uchhalte jate hain
dekhte hain wo apna joban aap
ab to kuchh kuchh sambhalte jate hain
hum to rote udhar se aate hain
aap idhar se machalte jate hain
'mehr' soe the kis ke sath ki subh
ThanDe ThanDe bhi jalte jate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
