rang ka farq miTaya ye sharaf mera tha

rañg kā farq miTāyā ye sharaf merā thā

sañg-e-asvad thā mirā durr-e-najaf merā thā

sub.h-e-bai.at kī vo zahrīlī havā terī thī

aur jo phuul thā shamshīr-ba-kaf merā thā

rah ke paanī meñ bhī paanī se bahut duur rahā

thā jo dariyā meñ vafāoñ kā sadaf merā thā

dīn-o-duniyā meñ rahī jañg añdhere ke sabab

sub.h ke vaqt magar merī taraf merā thā

us ko karnā hī paḌā sar mirā ūñchā 'saulat'

aaj neze ne bhī samjhā jo sharaf merā thā

rang ka farq miTaya ye sharaf mera tha

sang-e-aswad tha mera durr-e-najaf mera tha

subh-e-baiat ki wo zahrili hawa teri thi

aur jo phul tha shamshir-ba-kaf mera tha

rah ke pani mein bhi pani se bahut dur raha

tha jo dariya mein wafaon ka sadaf mera tha

din-o-duniya mein rahi jang andhere ke sabab

subh ke waqt magar meri taraf mera tha

us ko karna hi paDa sar mera uncha 'saulat'

aaj neze ne bhi samjha jo sharaf mera tha