rang mein hum mas se batar ho chuke
rañg meñ ham mas se batar ho chuke
lek usī mas se ki zar ho chuke
ruḳh ko tire shab se maiñ tashbīh duuñ
par isī shab se ki sahar ho chuke
chehra tirā hai mah-e-nau ai sanam
par vo mah-e-nau ki qamar ho chuke
rashk-e-gul seb hai terā zanaḳh
lek vahī gul ki samar ho chuke
qatra-e-naisāñ haiñ vo dandāñ 'baqā'
par vahī qatra ki guhar ho chuke
rang mein hum mas se batar ho chuke
lek usi mas se ki zar ho chuke
ruKH ko tere shab se main tashbih dun
par isi shab se ki sahar ho chuke
chehra tera hai mah-e-nau ai sanam
par wo mah-e-nau ki qamar ho chuke
rashk-e-gul seb hai tera zanaKH
lek wahi gul ki samar ho chuke
qatra-e-naisan hain wo dandan 'baqa'
par wahi qatra ki guhar ho chuke
Source:
Deewan-e-Baqa (Pg. ebook-62 page-41)
- Author: Khwaja Ahmad Faruqi
-
- Publisher: Shoba-e-Urdu, Delhi University, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
