rang-o-nam-o-nasl ke jhagDe miTa lije zara

rang-o-nām-o-nasl ke jhagḌe miTā liije zarā

ham gale mil leñge ye parde uThā liije zarā

zulf kī ruḳhsār kī sunñe ko tab jī chāhegā

aa.ina aap apne chehre ko dikhā liije zarā

gul kī bulbul kī bahāroñ kī chaman kī phir kabhī

ujḌe ujḌe āshiyāñ pahle basā liije zarā

uñgliyāñ phir merī jānib shauq se lenā uThā

apne dāman par lage dhabbe miTā liije zarā

aap kī adnā duāoñ meñ bhī aa.egā 'asar'

donoñ hāthoñ ko aqīdat se uThā liije zarā

rang-o-nam-o-nasl ke jhagDe miTa lije zara

hum gale mil lenge ye parde uTha lije zara

zulf ki ruKHsar ki sunne ko tab ji chahega

aaina aap apne chehre ko dikha lije zara

gul ki bulbul ki bahaaron ki chaman ki phir kabhi

ujDe ujDe aashiyan pahle basa lije zara

ungliyan phir meri jaanib shauq se lena uTha

apne daman par lage dhabbe miTa lije zara

aap ki adna duaon mein bhi aaega 'asar'

donon hathon ko aqidat se uTha lije zara