rangin KHwab aas ke naqshe jala bhi de
rañgīn ḳhvāb aas ke naqshe jalā bhī de
jaañ pe banī hai raushnī is ko bujhā bhī de
nāmūs-e-zabt bojh hai kab tak liye phirūñ
saarī umīdeñ chhīn ke mujh ko rulā bhī de
pahuñchā hai kis kī khoj meñ hadd-e-zavāl tak
gum ho gayā hai kaun tū us kā patā bhī de
bechārgī kī raat ke ġhār-e-siyāh se
qaid-e-sukūt toḌ ke koī sadā bhī de
har aa.ine pe vaqt kī uñglī ke daaġh haiñ
miT jo sakeñ ye daaġh to in ko miTā bhī de
is dasht-e-be-giyāh meñ majbūr huuñ khaḌā
manzil kā kuchh nishān de rastā batā bhī de
jis pe rutoñ ke haath kī tahrīr hai likhī
'fikrī' vo apne jism kī dīvār Dhā bhī de
rangin KHwab aas ke naqshe jala bhi de
jaan pe bani hai raushni is ko bujha bhi de
namus-e-zabt bojh hai kab tak liye phirun
sari umiden chhin ke mujh ko rula bhi de
pahuncha hai kis ki khoj mein hadd-e-zawal tak
gum ho gaya hai kaun tu us ka pata bhi de
bechaargi ki raat ke ghaar-e-siyah se
qaid-e-sukut toD ke koi sada bhi de
har aaine pe waqt ki ungli ke dagh hain
miT jo saken ye dagh to in ko miTa bhi de
is dasht-e-be-giyah mein majbur hun khaDa
manzil ka kuchh nishan de rasta bata bhi de
jis pe ruton ke hath ki tahrir hai likhi
'fikri' wo apne jism ki diwar Dha bhi de
Source:
Shab Khoon(Shumara Number-058) (Pg. ebook-35 page-33)
-
- Edition: 1971
- Publisher: Asrar Karimi Press, Allahabad
- Year of Publication: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
