ranj hai us ranj se hum ko to gham us gham se hai

rañj hai us rañj se ham ko to ġham us ġham se hai

jo shikāyat ham ko un se hai vo un ko ham se hai

kyā paḌī hai phir kisī ke vāste rotā hai kyuuñ

ābrū-e-ishq apne dīda-e-pur-nam se hai

jhūTe muñh koī tasallī bhī nahīñ detā kabhī

phir ye kyuuñ sāhab salāmat apnī ik aalam se hai

dushmanoñ kā do hī din meñ sab bharam khul jā.egā

un kī saarī shān-o-shaukat ek mere dam se hai

haath joḌe minnateñ kiiñ ḳhair vo to man ga.e

aur logoñ ko bhī ab aisī tamannā ham se hai

is mazāq-e-ḳhās ke bhī log dekhe haiñ kahīñ

aap kī bhī jān-pahchān āḳhir ik aalam se hai

sab safī' kī āh-e-pur-be-sāḳhta kahte haiñ vaah

us kā ronā bhī magar kuchh taal se hai sam se hai

ranj hai us ranj se hum ko to gham us gham se hai

jo shikayat hum ko un se hai wo un ko hum se hai

kya paDi hai phir kisi ke waste rota hai kyun

aabru-e-ishq apne dida-e-pur-nam se hai

jhuTe munh koi tasalli bhi nahin deta kabhi

phir ye kyun sahab salamat apni ek aalam se hai

dushmanon ka do hi din mein sab bharam khul jaega

un ki sari shan-o-shaukat ek mere dam se hai

hath joDe minnaten kin KHair wo to man gae

aur logon ko bhi ab aisi tamanna hum se hai

is mazaq-e-KHas ke bhi log dekhe hain kahin

aap ki bhi jaan-pahchan aaKHir ek aalam se hai

sab safi' ki aah-e-pur-be-saKHta kahte hain wah

us ka rona bhi magar kuchh tal se hai sam se hai