ranj hote the farawani nahin hoti thi

ranj hote the farāvānī nahīñ hotī thī

pahle is darja pareshānī nahīñ hotī thī

maan letā thā har ik hukm har ik baat us kī

baat bhī vo jo kabhī maanī nahīñ hotī thī

ḳhud ko phir jaan ke miTTī ke havāle kiyā hai

tujh se bhī ḳhair nigahbānī nahīñ hotī thī

kis qadar sahl thā taḳhtī ko miTānā likhnā

daur āsān thā āsānī nahīñ hotī thī

roz-e-avval se masā.ib ke pahāḌoñ par thā

is qadar be-sar-o-sāmānī nahīñ hotī thī

zindagī terī 'ināyat thī ki sautelā-pan

dekhne vāloñ ko hairānī nahīñ hotī thī

jis tarah mere 'alī jang meñ DaT jaate the

tū batā quvvat-e-yazdānī nahīñ hotī thī

ranj hote the farawani nahin hoti thi

pahle is darja pareshani nahin hoti thi

man leta tha har ek hukm har ek baat us ki

baat bhi wo jo kabhi mani nahin hoti thi

KHud ko phir jaan ke miTTi ke hawale kiya hai

tujh se bhi KHair nigahbani nahin hoti thi

kis qadar sahl tha taKHti ko miTana likhna

daur aasan tha aasani nahin hoti thi

roz-e-awwal se masaib ke pahaDon par tha

is qadar be-sar-o-samani nahin hoti thi

zindagi teri 'inayat thi ki sautela-pan

dekhne walon ko hairani nahin hoti thi

jis tarah mere 'ali jang mein DaT jate the

tu bata quwwat-e-yazdani nahin hoti thi