ranj-o-alam se mohabbat hai

ranj-o-ālām se mohabbat hai

sa.ī-e-nākām se mohabbat hai

zindagī-bhar na ho sahar jis kī

ham ko us shaam se mohabbat hai

kyā ḳhatar gardish-e-falak se hameñ

gardish-e-jām se mohabbat hai

baada sahbā sharāb se dārad

aise har naam se mohabbat hai

bāda-o-jām se mohabbat thī

bāda-o-jām se mohabbat hai

har ghaḌī dil meñ yaad hai un kī

bas usī naam se mohabbat hai

un meñ shān-e-ḳhudā hai jalva-fagan

ham ko asnām se mohabbat hai

dushman-e-jāñ hai ye mohabbat bhī

said ko daam se mohabbat hai

qadr-e-īsār kyā vo samjheñge

jin ko anjām se mohabbat hai

us kī tashrīh kyā ho ai 'sāhir'

dard-e-be-nām se mohabbat hai

ranj-o-alam se mohabbat hai

sai-e-nakaam se mohabbat hai

zindagi-bhar na ho sahar jis ki

hum ko us sham se mohabbat hai

kya KHatar gardish-e-falak se hamein

gardish-e-jam se mohabbat hai

baada sahba sharab se darad

aise har nam se mohabbat hai

baada-o-jam se mohabbat thi

baada-o-jam se mohabbat hai

har ghaDi dil mein yaad hai un ki

bas usi nam se mohabbat hai

un mein shan-e-KHuda hai jalwa-fagan

hum ko asnam se mohabbat hai

dushman-e-jaan hai ye mohabbat bhi

said ko dam se mohabbat hai

qadr-e-isar kya wo samjhenge

jin ko anjam se mohabbat hai

us ki tashrih kya ho ai 'sahir'

dard-e-be-nam se mohabbat hai