rañj yuuñ rāh-e-masāfat meñ mile
kuchh kamā.e kuchh virāsat meñ mile
ḳhvāb tak meñ āj-kal risne lage
zaḳhm ham ko jo haqīqat meñ mile
ab nahīñ hai taab dil se milne kī
kyā pata vo kaisī hālat meñ mile
ek duuje se raqābat thī jinheñ
ek duuje kī hirāsat meñ mile
jo añdheroñ meñ na shā.ista rahe
vo ujāloñ se ḳhajālat meñ mile
falsafe jo na sadāqat meñ mile
vo sabhī ham ko zarūrat meñ mile
is dafa to zindagī jaldī meñ thī
kah do aglī baar fursat meñ mile
ranj yun rah-e-masafat mein mile
kuchh kamae kuchh wirasat mein mile
KHwab tak mein aaj-kal risne lage
zaKHm hum ko jo haqiqat mein mile
ab nahin hai tab dil se milne ki
kya pata wo kaisi haalat mein mile
ek duje se raqabat thi jinhen
ek duje ki hirasat mein mile
jo andheron mein na shaista rahe
wo ujalon se KHajalat mein mile
falsafe jo na sadaqat mein mile
wo sabhi hum ko zarurat mein mile
is dafa to zindagi jaldi mein thi
kah do agli bar fursat mein mile
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
