raqib-e-jaan nazar ka nur ho jae to kya kije
raqib-e-jaan nazar ka nur ho jae to kya kije
Ameeta Parsuram Meeta
MORE BYAmeeta Parsuram Meeta
raqīb-e-jāñ nazar kā nuur ho jaa.e to kyā kiije
ziyāñ dil ko agar manzūr ho jaa.e to kyā kiije
vafā karne se vo majbūr ho jaa.e to kyā kiije
mohabbat ruuh kā nāsūr ho jaa.e to kyā kiije
vahī charche vahī qisse milī rusvā.iyāñ ham ko
unhī qissoñ se vo mash.hūr ho jaa.e to kyā kiije
zamāne se gilā kaisā jab apne jism kā saaya
añdhere meñ hamīñ se duur ho jaa.e to kyā kiije
ḳhudā ko itnā chāhūñ to ḳhudā ho jā.egā raazī
magar vo aur bhī maġhrūr ho jaa.e to kyā kiije
munavvar jis ke dam se thiiñ hamārī zindagī 'mītā'
vahī mahtāb gar mastūr ho jaa.e to kyā kiije
raqib-e-jaan nazar ka nur ho jae to kya kije
ziyan dil ko agar manzur ho jae to kya kije
wafa karne se wo majbur ho jae to kya kije
mohabbat ruh ka nasur ho jae to kya kije
wahi charche wahi qisse mili ruswaiyan hum ko
unhi qisson se wo mashhur ho jae to kya kije
zamane se gila kaisa jab apne jism ka saya
andhere mein hamin se dur ho jae to kya kije
KHuda ko itna chahun to KHuda ho jaega raazi
magar wo aur bhi maghrur ho jae to kya kije
munawwar jis ke dam se thin hamari zindagi 'mita'
wahi mahtab gar mastur ho jae to kya kije
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
