raqibon ko yun bhi sataya karo

raqīboñ ko yuuñ bhī satāyā karo

diye bujh rahe hoñ tab aaya karo

ye āshiq kabhī nāchte hī nahīñ

inheñ uñgliyoñ par nachāyā karo

naqāb apne chehre pe rakkho sadā

faqat ham ko chehra dikhāyā karo

ye paiġhām lā.eñge le jā.eñge

chhatoñ par kabūtar uḌāyā karo

guloñ ko jalan tum se hone lagī

suno tum chaman meñ na jaayā karo

tumhāre parastār haiñ Dher se

hañso aur sab ko rulāyā karo

koī dūsrā mere jaisā nahīñ

maiñ 'dildār' huuñ āzmāyā karo

raqibon ko yun bhi sataya karo

diye bujh rahe hon tab aaya karo

ye aashiq kabhi nachte hi nahin

inhen ungliyon par nachaya karo

naqab apne chehre pe rakkho sada

faqat hum ko chehra dikhaya karo

ye paigham laenge le jaenge

chhaton par kabutar uDaya karo

gulon ko jalan tum se hone lagi

suno tum chaman mein na jaya karo

tumhaare parastar hain Dher se

hanso aur sab ko rulaya karo

koi dusra mere jaisa nahin

main 'dildar' hun aazmaya karo