raqs-e-masti dekhte josh-e-tamanna dekhte

Asghar Gondvi

raqs-e-masti dekhte josh-e-tamanna dekhte

Asghar Gondvi

MORE BYAsghar Gondvi

    raqs-e-mastī dekhte josh-e-tamannā dekhte

    sāmne kar tujhe apnā tamāshā dekhte

    kam se kam husn-e-taḳhyyul tamāshā dekhte

    jalva-e-yūsuf to kyā ḳhvāb-e-zuleḳhā dekhte

    kuchh samajh kar ham ne rakkhā hai hijāb-e-deher ko

    toḌ kar shīshe ko phir kyā rañg-e-sahbā dekhte

    roz-e-raushan shab-e-mahtāb sub.h-e-chaman

    ham jahāñ se chāhte vo rū-e-zebā dekhte

    qalb par girtī taḌap kar phir vahī barq-e-jamāl

    har bun-e-mū meñ vahī āshob o ġhauġhā dekhte

    sad-zamāñ o sad-makāñ o īñ-jahāñ o āñ-jahāñ

    tum na aa jaate to ham vahshat meñ kyā kyā dekhte

    is tarah kuchh rañg bhar jaatā nigāh-e-shauq meñ

    jalva ḳhud betāb ho jaatā vo parda dekhte

    jin ko apnī shoḳhiyoñ par aaj itnā naaz hai

    vo kisī din merī jān-e-nā-shakebā dekhte

    mai-kade meñ zindagī hai shor-e-noshā-nosh hai

    miT ga.e hote agar ham jaam o miinā dekhte

    raqs-e-masti dekhte josh-e-tamanna dekhte

    samne la kar tujhe apna tamasha dekhte

    kam se kam husn-e-taKHyyul ka tamasha dekhte

    jalwa-e-yusuf to kya KHwab-e-zuleKHa dekhte

    kuchh samajh kar hum ne rakkha hai hijab-e-deher ko

    toD kar shishe ko phir kya rang-e-sahba dekhte

    roz-e-raushan ya shab-e-mahtab ya subh-e-chaman

    hum jahan se chahte wo ru-e-zeba dekhte

    qalb par girti taDap kar phir wahi barq-e-jamal

    har bun-e-mu mein wahi aashob o ghaugha dekhte

    sad-zaman o sad-makan o in-jahan o aan-jahan

    tum na aa jate to hum wahshat mein kya kya dekhte

    is tarah kuchh rang bhar jata nigah-e-shauq mein

    jalwa KHud betab ho jata wo parda dekhte

    jin ko apni shoKHiyon par aaj itna naz hai

    wo kisi din meri jaan-e-na-shakeba dekhte

    mai-kade mein zindagi hai shor-e-nosha-nosh hai

    miT gae hote agar hum jam o mina dekhte

    RECITATIONS

    Nomaan Shauque

    Nomaan Shauque

    Nomaan Shauque

    raqs-e-masti dekhte josh-e-tamanna dekhte Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY