aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raqs yak nur kabhi sail-e-bala dekhta hun

Sahba Akhtar

raqs yak nur kabhi sail-e-bala dekhta hun

Sahba Akhtar

MORE BYSahba Akhtar

    raqs yak nuur kabhī sail-e-balā dekhtā huuñ

    zehn par chhā.ī huī dhuñd meñ kyā dekhtā huuñ

    tujh ko mahdūd ḳhad-o-ḳhāl meñ kar rakkhā hai

    maiñ kahāñ tujh ko abhī tere sivā dekhtā huuñ

    narm miTTī se uThe haiñ vo kuñvāre jazbāt

    jin ko pahne hue phūloñ qabā dekhtā huuñ

    aañkh haa.il hai tirī diid meñ achchhā hogā

    aaj ye āḳhirī parda bhī uThā dekhtā huuñ

    kyuuñ na us parda-nashīñ ko ho takallum meñ hijāb

    maiñ to āvāz ko bhī chehra-numā dekhtā huuñ

    maiñ vo kāfir huuñ ki is zulmat-e-dil ke hāthoñ

    har chamakte hue chehre meñ ḳhudā dekhtā huuñ

    phir koī kunj-e-amāñ dasht-e-suḳhan meñ 'sahbā'

    aaj phir dil ko pareshān-e-navā dekhtā huuñ

    raqs yak nur kabhi sail-e-bala dekhta hun

    zehn par chhai hui dhund mein kya dekhta hun

    tujh ko mahdud KHad-o-KHal mein kar rakkha hai

    main kahan tujh ko abhi tere siwa dekhta hun

    narm miTTi se uThe hain wo kunware jazbaat

    jin ko pahne hue phulon ki qaba dekhta hun

    aankh hail hai teri did mein achchha hoga

    aaj ye aaKHiri parda bhi uTha dekhta hun

    kyun na us parda-nashin ko ho takallum mein hijab

    main to aawaz ko bhi chehra-numa dekhta hun

    main wo kafir hun ki is zulmat-e-dil ke hathon

    har chamakte hue chehre mein KHuda dekhta hun

    phir koi kunj-e-aman dasht-e-suKHan mein 'sahba'

    aaj phir dil ko pareshan-e-nawa dekhta hun

    Source:

    Sarkashidah (Pg. 209)

    • Author: Sahba Akhtar
      • Edition: 1977
      • Publisher: Maktaba-e-Nadeem ke airia ko rangi Karachi
      • Year of Publication: 1977
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now