rashk-e-mahtab jahan-tab tha har qarya-e-jaan

Sadique Naseem

rashk-e-mahtab jahan-tab tha har qarya-e-jaan

Sadique Naseem

MORE BYSadique Naseem

    rashk-e-mahtāb jahāñ-tāb thā har qarya-e-jāñ

    jab bhī dil par chamak uTThe tire qadmoñ ke nishāñ

    kaun guzrā hai mahak ban ke dayār-e-dil se

    itnī gul-posh thiiñ kab shahr-e-talab galiyāñ

    terī tasvīr ke partav nahīñ miTne paate

    ek muddat se hai dil kārgah-e-shīsha-garāñ

    aaj us moḌ pe hai shahr-e-tamannā ābād

    tirā dāman nigah-e-shauq ne chūmā thā jahāñ

    maiñ tire dard kulfat ko kahāñ le aayā

    mere hamrāh dhaḌaktā hai dil-e-kaun-o-makāñ

    itnī maddham to nahīñ hai mirī fariyād lai

    in salāsil sadā gūñjegī zindāñ zindāñ

    vaqt aa.egā ki dohrā.eñge ḳhud ahl-e-jafā

    maiñ ne jo giit sunā.e haiñ sar-e-nok-e-sināñ

    mauj-dar-mauj ubharte haiñ tamannā ke sarāb

    merī tishna-dahnī meñ haiñ samundar pinhāñ

    maiñ vo ashkoñ bhikārī huuñ sar-e-rāh-e-vafā

    jis Thokar meñ rahā marhala-e-sūd-o-ziyāñ

    maiñ vo saudā.ī-e-gul huuñ ki mirī āñkhoñ ne

    sīna-e-ġhār meñ dekhī haiñ machaltī kaliyāñ

    ġham ke lamhoñ ta.ayyun kabhī sochā to 'nasīm'

    ek ik pal se mujhe jhāñk rahī thiiñ sadiyāñ

    rashk-e-mahtab jahan-tab tha har qarya-e-jaan

    jab bhi dil par chamak uTThe tere qadmon ke nishan

    kaun guzra hai mahak ban ke dayar-e-dil se

    itni gul-posh thin kab shahr-e-talab ki galiyan

    teri taswir ke partaw nahin miTne pate

    ek muddat se hai dil kargah-e-shisha-garan

    aaj us moD pe hai shahr-e-tamanna aabaad

    tera daman nigah-e-shauq ne chuma tha jahan

    main tere dard ki kulfat ko kahan le aaya

    mere hamrah dhaDakta hai dil-e-kaun-o-makan

    itni maddham to nahin hai meri fariyaad ki lai

    in salasil ki sada gunjegi zindan zindan

    waqt aaega ki dohraenge KHud ahl-e-jafa

    main ne jo git sunae hain sar-e-nok-e-sinan

    mauj-dar-mauj ubharte hain tamanna ke sarab

    meri tishna-dahni mein hain samundar pinhan

    main wo ashkon ka bhikari hun sar-e-rah-e-wafa

    jis ki Thokar mein raha marhala-e-sud-o-ziyan

    main wo saudai-e-gul hun ki meri aankhon ne

    sina-e-ghaar mein dekhi hain machalti kaliyan

    gham ke lamhon ka tayyun kabhi socha to 'nasim'

    ek ek pal se mujhe jhank rahi thin sadiyan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY