rashk kahta hai ki us ka ghair se iKHlas haif

rashk kahtā hai ki us kā ġhair se iḳhlās haif

aql kahtī hai ki vo be-mehr kis kā āshnā

zarra zarra sāġhar-e-mai-ḳhāna-e-nai-rañg hai

gardish-e-majnūñ ba-chashmak-hā-e-lailā āshnā

shauq hai sāmāñ-tarāz-e-nāzish-e-arbāb-e-ajz

zarra sahrā-dast-gāh o qatra dariyā-āshnā

maiñ aur ek aafat kā TukḌā vo dil-e-vahshī ki hai

āfiyat kā dushman aur āvārgī kā āshnā

shikva-sañj-e-rashk-e-ham-dīgar na rahnā chāhiye

merā zaanū monis aur ā.īna terā āshnā

kohkan naqqāsh-e-yak-timsāl-e-shīrīñ thā 'asad'

sañg se sar maar kar hove na paidā āshnā

ḳhud-parastī se rahe bāham-digar nā-āshnā

bekasī merī sharīk ā.īna terā āshnā

ātish-e-mū-e-dimāġh-e-shauq hai terā tapāk

varna ham kis ke haiñ ai dāġh-e-tamannā āshnā

jauhar-e-ā.īna juz ramz-e-sar-e-mizhgāñ nahīñ

āshnā kī ham-digar samjhe hai iimā āshnā

rabt-e-yak-shīrāza-e-vahshat haiñ ajzā-e-bahār

sabza begāna sabā āvāra gul nā-āshnā

be-dimāġhī shikva-sañj-e-rashk-e-ham-dīgar nahīñ

yaar terā jām-e-mai ḳhamyāza merā āshnā

rashk kahta hai ki us ka ghair se iKHlas haif

aql kahti hai ki wo be-mehr kis ka aashna

zarra zarra saghar-e-mai-KHana-e-nai-rang hai

gardish-e-majnun ba-chashmak-ha-e-laila aashna

shauq hai saman-taraaz-e-nazish-e-arbab-e-ajz

zarra sahra-dast-gah o qatra dariya-ashna

main aur ek aafat ka TukDa wo dil-e-wahshi ki hai

aafiyat ka dushman aur aawargi ka aashna

shikwa-sanj-e-rashk-e-ham-digar na rahna chahiye

mera zanu monis aur aaina tera aashna

kohkan naqqash-e-yak-timsal-e-shirin tha 'asad'

sang se sar mar kar howe na paida aashna

KHud-parasti se rahe baham-digar na-ashna

bekasi meri sharik aaina tera aashna

aatish-e-mu-e-dimagh-e-shauq hai tera tapak

warna hum kis ke hain ai dagh-e-tamanna aashna

jauhar-e-aina juz ramz-e-sar-e-mizhgan nahin

aashna ki ham-digar samjhe hai ima aashna

rabt-e-yak-shiraaza-e-wahshat hain ajza-e-bahaar

sabza begana saba aawara gul na-ashna

be-dimaghi shikwa-sanj-e-rashk-e-ham-digar nahin

yar tera jam-e-mai KHamyaza mera aashna