rasm-e-duniya ko nibhate jaiye

rasm-e-duniyā ko nibhāte jā.iye

ġham ko siine se lagāte jā.iye

bazla-sanjī se na baaz aa.e agar

ham na lauTeñge bulāte jā.iye

hukm-e-nau ik aur jaarī ho gayā

choT khā kar muskurāte jā.iye

ḳhaak nazroñ meñ hamārī jhoñkiye

ḳhaak meñ ham ko milāte jā.iye

aa.ina ho kar rahūñgī aap kā

merī nazroñ meñ samāte jā.iye

zulmat-e-shab ko sajā kar taaq par

ik diyā ḳhud bhī jalāte jā.iye

hai uThāne kī sakat jo aap meñ

tohmat-e-duniyā uThāte jā.iye

ratjage 'raziya' se ab haiñ multamis

yaad ko apnī sulāte jā.iye

rasm-e-duniya ko nibhate jaiye

gham ko sine se lagate jaiye

bazla-sanji se na baz aae agar

hum na lauTenge bulate jaiye

hukm-e-nau ek aur jari ho gaya

choT kha kar muskuraate jaiye

KHak nazron mein hamari jhonkiye

KHak mein hum ko milate jaiye

aaina ho kar rahungi aap ka

meri nazron mein samate jaiye

zulmat-e-shab ko saja kar taq par

ek diya KHud bhi jalate jaiye

hai uThane ki sakat jo aap mein

tohmat-e-duniya uThate jaiye

ratjage 'raziya' se ab hain multamis

yaad ko apni sulate jaiye