rasman hi un ko nala-e-dil ki KHabar to ho
rasman hī un ko nāla-e-dil kī ḳhabar to ho
ya.anī asar na ho to fareb-e-asar to ho
ham bhī tumhārī bazm meñ haiñ dar-ḳhur-e-karam
achchhā vo mustaqil na sahī ik nazar to ho
kyā farz hai ki ham na hoñ taqdīr-āzmā
duniyā paḌī huī hai dar-e-yār par to ho
sab kah rahe haiñ ham pe girāñ hai shab-e-firāq
is kā bhī kuchh ilaaj kareñge sahar to ho
'sīmāb' aadhī raat ko aa.eñ vo be-qarār
terī duā-e-nīm-shabī meñ asar to ho
rasman hi un ko nala-e-dil ki KHabar to ho
yani asar na ho to fareb-e-asar to ho
hum bhi tumhaari bazm mein hain dar-KHur-e-karam
achchha wo mustaqil na sahi ek nazar to ho
kya farz hai ki hum na hon taqdir-azma
duniya paDi hui hai dar-e-yar par to ho
sab kah rahe hain hum pe giran hai shab-e-firaq
is ka bhi kuchh ilaj karenge sahar to ho
'simab' aadhi raat ko aaen wo be-qarar
teri dua-e-nim-shabi mein asar to ho
Source:
Intekhab-e-Sukhan(Jild-2) (Pg. 248)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
