rasta kisi wahshi ka abhi dekh raha hai

M Kothiyavi Rahi

rasta kisi wahshi ka abhi dekh raha hai

M Kothiyavi Rahi

MORE BYM Kothiyavi Rahi

    rasta kisī vahshī abhī dekh rahā hai

    ye peḌ jo is raah meñ sadiyoñ se khaḌā hai

    ġhurbat ke añdhere meñ tirī yaad ke jugnū

    chamke haiñ to rāhoñ safar aur baḌhā hai

    duniyā se alag ho ke guzartī hai javānī

    hālāñ ki ye mumkin nahīñ purkhoñ se sunā hai

    chāhat jo junūñ ke liye zanjīr banī thī

    aaj us ko bhī vahshat ne mirī toḌ diyā hai

    yaaro na abhī apne Thikānoñ ko sidhāro

    kuchh baat karo raat kaTe sard havā hai

    ik ġham alaav hai jise gher ke sab log

    baiThe haiñ ki 'rāhī' ne nayā giit likhā hai

    rasta kisi wahshi ka abhi dekh raha hai

    ye peD jo is rah mein sadiyon se khaDa hai

    ghurbat ke andhere mein teri yaad ke jugnu

    chamke hain to rahon ka safar aur baDha hai

    duniya se alag ho ke guzarti hai jawani

    haalan ki ye mumkin nahin purkhon se suna hai

    chahat jo junun ke liye zanjir bani thi

    aaj us ko bhi wahshat ne meri toD diya hai

    yaro na abhi apne Thikanon ko sidhaaro

    kuchh baat karo raat kaTe sard hawa hai

    ek gham ka alaw hai jise gher ke sab log

    baiThe hain ki 'rahi' ne naya git likha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY