raste mein koi aa ke inan-gir ho na jae

raste meñ koī aa ke ināñ-gīr ho na jaa.e

ye jazba-e-junūñ mirā zanjīr ho na jaa.e

us ko jo ab kisī se shikāyat nahīñ rahī

phir kyuuñ vo sab se mil ke baġhal-gīr ho na jaa.e

maiñ ne zabān dī hai to lab vā karūñgā kyā

lekin zabān-e-ḳhalq se tash.hīr ho na jaa.e

manzar ye hashr-ḳhez jo pesh-e-nigāh hai

Dartā huuñ mere ḳhvāb kī tābīr ho na jaa.e

āñkhoñ meñ bas ga.ī hai vo tasvīr is tarah

merī nigāh-e-shauq bhī tasvīr ho na jaa.e

'mohsin' na jaane sub.h numūdār hogī kab

ye shām-e-be-charāġh hī taqdīr ho na jaa.e

raste mein koi aa ke inan-gir ho na jae

ye jazba-e-junun mera zanjir ho na jae

us ko jo ab kisi se shikayat nahin rahi

phir kyun wo sab se mil ke baghal-gir ho na jae

main ne zaban di hai to lab wa karunga kya

lekin zaban-e-KHalq se tashhir ho na jae

manzar ye hashr-KHez jo pesh-e-nigah hai

Darta hun mere KHwab ki tabir ho na jae

aankhon mein bas gai hai wo taswir is tarah

meri nigah-e-shauq bhi taswir ho na jae

'mohsin' na jaane subh numudar hogi kab

ye sham-e-be-charagh hi taqdir ho na jae