raushan aainon mein jhuTe aks utar gaya
raushan ā.īnoñ meñ jhūTe aks utaar gayā
kaisā ḳhvāb thā merī saarī umr guzār gayā
vaqt kī āñkhoñ meñ dekhī kaalī ghanghor ghaTā
lekin gaz bhar chhāñv nahīñ thī jab maiñ paar gayā
maiñ kyuuñ arz-e-tamannā le kar us dar par jā.ūñ
mauj-e-bād-e-sabā ke pīchhe kab gulzār gayā
is duniyā meñ be-qadroñ se kis ne paayā faiz
us ke pyaar meñ jiinā marnā sab bekār gayā
ab sunsān galī meñ saaya tak maujūd nahīñ
aadhī raat ke sannāTe meñ kaun pukār gayā
chehroñ ko pairoñ se kuchal kar aage baḌh jaanā
jiit isī ko kahte haiñ to phir maiñ haar gayā
raushan aainon mein jhuTe aks utar gaya
kaisa KHwab tha meri sari umr guzar gaya
waqt ki aankhon mein dekhi kali ghanghor ghaTa
lekin gaz bhar chhanw nahin thi jab main par gaya
main kyun arz-e-tamanna le kar us dar par jaun
mauj-e-baad-e-saba ke pichhe kab gulzar gaya
is duniya mein be-qadron se kis ne paya faiz
us ke pyar mein jina marna sab bekar gaya
ab sunsan gali mein saya tak maujud nahin
aadhi raat ke sannaTe mein kaun pukar gaya
chehron ko pairon se kuchal kar aage baDh jaana
jit isi ko kahte hain to phir main haar gaya
Source:
Tamasha (Pg. 130)
- Author: Hassan Shahnawaz Zaidi
-
- Edition: 2014
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
