raushan hon dil ke dagh to lab par fughan kahan

Waheeda Naseem

raushan hon dil ke dagh to lab par fughan kahan

Waheeda Naseem

MORE BYWaheeda Naseem

    raushan hoñ dil ke daaġh to lab par fuġhāñ kahāñ

    ai ham-safīr ātish-e-gul meñ dhuāñ kahāñ

    hai naam āshiyāñ magar āshiyāñ kahāñ

    nikhre hue haiñ ḳhaak meñ tinke kahāñ kahāñ

    uTh uTh ke pūchhtā rahā raah ġhubār

    kahtā magar ye kaun luTā kārvāñ kahāñ

    baaqī nahīñ haiñ jaib-o-garebāñ ke taar bhī

    likkheñge ai bahār tirī dāstāñ kahāñ

    ham ajnabī haiñ aaj bhī apne dayār meñ

    har shaḳhs pūchhtā hai yahī tum yahāñ kahāñ

    dekho ki ab hai barq-e-sitam nazar kidhar

    pūchho na ye chaman meñ jale āshiyāñ kahāñ

    aalam guzar rahā hai ajab ahl-e-dard par

    ho dil meñ mudda.ā bhī to muñh meñ zabāñ kahāñ

    apnī ḳhushī vajūd-e-gulistāñ pe ai 'nasīm'

    maanā ki vo sukūn-e-nasheman yahāñ kahāñ

    raushan hon dil ke dagh to lab par fughan kahan

    ai ham-safir aatish-e-gul mein dhuan kahan

    hai nam aashiyan ka magar aashiyan kahan

    nikhre hue hain KHak mein tinke kahan kahan

    uTh uTh ke puchhta hi raha rah ka ghubar

    kahta magar ye kaun luTa karwan kahan

    baqi nahin hain jaib-o-gareban ke tar bhi

    likkhenge ai bahaar teri dastan kahan

    hum ajnabi hain aaj bhi apne dayar mein

    har shaKHs puchhta hai yahi tum yahan kahan

    dekho ki ab hai barq-e-sitam ki nazar kidhar

    puchho na ye chaman mein jale aashiyan kahan

    aalam guzar raha hai ajab ahl-e-dard par

    ho dil mein muddaa bhi to munh mein zaban kahan

    apni KHushi wajud-e-gulistan pe ai 'nasim'

    mana ki wo sukun-e-nasheman yahan kahan

    Source :
    • Book : Karwaan-e-Ghazal (Pg. 479)
    • Author : Farooq Argali
    • Publication : Farid Book Depot (Pvt.) Ltd (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY