raushni aur andheron ke safar ka jadu

raushnī aur añdheroñ ke safar kā jaadū

dekhtā rahtā huuñ maiñ shām-o-sahar kā jaadū

rahbar-o-rāhzan-o-rāhguzar kā jaadū

kitne jaadū kā tamāshā hai safar kā jaadū

so ga.e chāñd sitāre to jagā hai sūraj

kar gayā raat ko din pichhle pahar kā jaadū

āsmāñ par nahīñ kaam aayā karishma us kā

ho gayā rū-ba-zamīñ shams-o-qamar kā jaadū

ḳhushk ho jaatā hai dariyā bhī asar se us ke

tum ne dekhā hī nahīñ dīda-e-tar kā jaadū

aao mil jaa.eñ kabhī phir na bichhaḌne ke liye

ham bhī dikhlā.eñ zarā shīr-o-shakar kā jaadū

raushni aur andheron ke safar ka jadu

dekhta rahta hun main sham-o-sahar ka jadu

rahbar-o-rahzan-o-rahguzar ka jadu

kitne jadu ka tamasha hai safar ka jadu

so gae chand sitare to jaga hai suraj

kar gaya raat ko din pichhle pahar ka jadu

aasman par nahin kaam aaya karishma us ka

ho gaya ru-ba-zamin shams-o-qamar ka jadu

KHushk ho jata hai dariya bhi asar se us ke

tum ne dekha hi nahin dida-e-tar ka jadu

aao mil jaen kabhi phir na bichhaDne ke liye

hum bhi dikhlaen zara shir-o-shakar ka jadu