raushni bhar KHala pe bar the hum

raushnī bhar ḳhalā pe baar the ham

dhund manzar pas-e-ġhubār the ham

dhuup meñ aa.e to sukūn milā

chhāñv meñ the to dāġhdār the ham

koī dastak na koī aahaT thī

muddatoñ vahm ke shikār the ham

but-garī meñ hunar bhī shāmil thā

sañg-sāzī se hoshiyār the ham

qarz koī bhī jism o jaañ pe na thā

zindagī par magar udhār the ham

zulmateñ to charāg-e-ḳhema thiiñ

ḳhalvatoñ ke gunāhgār the ham

fikr o ma.anī talāzme tashbīh

ai ġhazal tere jāñ-nisār the ham

'rind' thā bekasī kā lutf ajiib

ghar meñ rah kar bhī be-dayār the ham

raushni bhar KHala pe bar the hum

dhund manzar pas-e-ghubar the hum

dhup mein aae to sukun mila

chhanw mein the to daghdar the hum

koi dastak na koi aahaT thi

muddaton wahm ke shikar the hum

but-gari mein hunar bhi shamil tha

sang-sazi se hoshiyar the hum

qarz koi bhi jism o jaan pe na tha

zindagi par magar udhaar the hum

zulmaten to charag-e-KHema thin

KHalwaton ke gunahgar the hum

fikr o mani talazme tashbih

ai ghazal tere jaan-nisar the hum

'rind' tha bekasi ka lutf ajib

ghar mein rah kar bhi be-dayar the hum