raushni jaise kisi sham ke aane se hui
raushnī jaise kisī shaam ke aane se huī
ḳhaak daryāft mirī ḳhaak uḌāne se huī
rang phir aa.e nahīñ mauj meñ pahle kī tarah
aisī tasvīr muaḳhḳhar tire jaane se huī
tū ne chup saadh lī mauzū'-e-mohabbat de kar
guftugū tujh se jo honī thī zamāne se huī
thā magar aisā akelā maiñ kahāñ thā pahle
merī tanhā.ī mukammal tire aane se huī
apne baare meñ vo ik baat jo hotī nahīñ thī
terī āvāz meñ āvāz milāne se huī
raushni jaise kisi sham ke aane se hui
KHak daryaft meri KHak uDane se hui
rang phir aae nahin mauj mein pahle ki tarah
aisi taswir muaKHKHar tere jaane se hui
tu ne chup sadh li mauzu'-e-mohabbat de kar
guftugu tujh se jo honi thi zamane se hui
tha magar aisa akela main kahan tha pahle
meri tanhai mukammal tere aane se hui
apne bare mein wo ek baat jo hoti nahin thi
teri aawaz mein aawaz milane se hui
- Book : Shaam Ke Baad Kuch Nahin (Pg. 39)
- Author : Shaheen Abbas
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
