raushni ki ye hawas kya kya jalaegi na puchh

Abhinandan Pandey

raushni ki ye hawas kya kya jalaegi na puchh

Abhinandan Pandey

MORE BYAbhinandan Pandey

    raushnī ye havas kyā kyā jalā.egī na pūchh

    ārzū-e-subh kitne zulm Dhā.egī na pūchh

    hosh meñ aa.egī duniyā merī be-hoshī ke ba.ad

    merī ḳhāmoshī vo hañgāma machāegī na pūchh

    nasl-e-ādam rafta rafta ḳhud ko kar legī tabāh

    itnī saḳhtī se qayāmat pesh aa.egī na pūchh

    darmiyāñ jo jism parda hai kaise hogā chaak

    maut kis tarkīb se ham ko milā.egī na pūchh

    jism ijāzat de degā par simaT jaane ke ba.ad

    ruuh kaise is qafas ko ghar banā.egī na pūchh

    raushni ki ye hawas kya kya jalaegi na puchh

    aarzu-e-subh kitne zulm Dhaegi na puchh

    hosh mein aaegi duniya meri be-hoshi ke baad

    meri KHamoshi wo hangama machaegi na puchh

    nasl-e-adam rafta rafta KHud ko kar legi tabah

    itni saKHti se qayamat pesh aaegi na puchh

    darmiyan jo jism ka parda hai kaise hoga chaak

    maut kis tarkib se hum ko milaegi na puchh

    jism ijazat de hi dega par simaT jaane ke baad

    ruh kaise is qafas ko ghar banaegi na puchh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY