rawangi mein samay ka KHayal karte hain
ravāngī meñ samay kā ḳhayāl karte haiñ
phir us ko bhej ke pahroñ malāl karte haiñ
zarā se talḳh-bayānī pasand haiñ phir bhī
udaas log mohabbat kamāl karte haiñ
ab un ko ishq ke ādāb kaun samjhā.e
bujhe charāġh havā se savāl karte haiñ
gunah hai ishq pe pābandiyāñ bajā lekin
tumhāre log to jiinā muhāl karte haiñ
is ek jumle ne karne nahīñ diyā kuchh bhī
jo log kuchh nahīñ karte kamāl karte haiñ
rawangi mein samay ka KHayal karte hain
phir us ko bhej ke pahron malal karte hain
zara se talKH-bayani pasand hain phir bhi
udas log mohabbat kamal karte hain
ab un ko ishq ke aadab kaun samjhae
bujhe charagh hawa se sawal karte hain
gunah hai ishq pe pabandiyan baja lekin
tumhaare log to jina muhaal karte hain
is ek jumle ne karne nahin diya kuchh bhi
jo log kuchh nahin karte kamal karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
