rawani gham ki jis mein thi wo jauhar de diya maine

ravānī ġham kī jis meñ thī vo jauhar de diyā maiñ ne

ġhazal pyāsī thī jazboñ kā samundar de diyā maiñ ne

jis ābādī meñ be-sūraj añdherā hī añdherā thā

use bhī chāñdnī-rātoñ kā manzar de diyā maiñ ne

jo muddat se gire the be-par-o-bālī kī khaa.ī meñ

uḌānoñ ke liye un ko bhī shahpar de diyā maiñ ne

jo palkoñ par sajā kar aas ke kuchh ḳhvāb baiThe the

unheñ un kī tamannāoñ kā maz.har de diyā maiñ ne

kaho 'dildār' mujh se aur kyā ab chāhiye tum ko

tumhāre shahr ko tahzīb kā ghar de diyā maiñ ne

rawani gham ki jis mein thi wo jauhar de diya main ne

ghazal pyasi thi jazbon ka samundar de diya main ne

jis aabaadi mein be-suraj andhera hi andhera tha

use bhi chandni-raaton ka manzar de diya main ne

jo muddat se gire the be-par-o-baali ki khai mein

uDanon ke liye un ko bhi shahpar de diya main ne

jo palkon par saja kar aas ke kuchh KHwab baiThe the

unhen un ki tamannaon ka mazhar de diya main ne

kaho 'dildar' mujh se aur kya ab chahiye tum ko

tumhaare shahr ko tahzib ka ghar de diya main ne