rawish-e-sada-bayani meri

ravish-e-sāda-bayānī merī

hai ye teġh-e-safhānī merī

nā-shanāsā ko na aa.e bāvar

dāstāñ us kī zabānī merī

merī hastī hai mumayyaz ba-adam

be-nishānī hai nishānī merī

raḳhna-gar hai mirī āzādī meñ

havas-e-bāl fishānī merī

sabaq-e-jahl kī takrār pe ab

munhasir hai hama-dānī merī

dostī vaz.a-e-tan-āsānī kī

ban ga.ī dushman-e-jānī merī

ḳhātma hai mirī tamhīd meñ darj

hai dil-āvez kahānī merī

zīrakī dām-e-fareb-e-dil hai

hai tahayyur nigarānī merī

dil ho saaqī lab-e-dariyā sāġhar

sahl hai pyaas bujhānī merī

sub.h-e-tiflī hai buḌhāpā merā

shām-e-pīrī thī javānī merī

ek chakkar hai ba-shakl-e-gardāb

band-barpā hai ravānī merī

vaj.h baaqī mire ma.anī ko samajh

sūrat albatta hai faanī merī

bazm-e-kasrat kā tamāshā.ī huuñ

vahdat-e-sarf hai baanī merī

rawish-e-sada-bayani meri

hai ye tegh-e-safhani meri

na-shanasa ko na aae bawar

dastan us ki zabani meri

meri hasti hai mumayyaz ba-adam

be-nishani hai nishani meri

raKHna-gar hai meri aazadi mein

hawas-e-baal fishani meri

sabaq-e-jahl ki takrar pe ab

munhasir hai hama-dani meri

dosti waza-e-tan-asani ki

ban gai dushman-e-jaani meri

KHatma hai meri tamhid mein darj

hai dil-awez kahani meri

ziraki dam-e-fareb-e-dil hai

hai tahayyur nigarani meri

dil ho saqi lab-e-dariya saghar

sahl hai pyas bujhani meri

subh-e-tifli hai buDhapa mera

sham-e-piri thi jawani meri

ek chakkar hai ba-shakl-e-gardab

band-barpa hai rawani meri

wajh baqi mere mani ko samajh

surat albatta hai fani meri

bazm-e-kasrat ka tamashai hun

wahdat-e-sarf hai bani meri