reaya zulm pe jab sar uThane lagti hai

re.āyā zulm pe jab sar uThāne lagtī hai

to eqtidār kī lau thartharāne lagtī hai

hamesha hotā huuñ koshish meñ bhuul jaane kī

vo yaad aur bhī shiddat se aane lagtī hai

haqīr kartī hai yuuñ bhī kabhī kabhī duniyā

mire zamīr kī qīmat lagāne lagtī hai

ye raushnā.ī jo phailī hai tere ashkoñ se

ye siskiyoñ kī sadā.eñ sunāne lagtī hai

ġhurūb hotā hai sūraj to mere siine se

ye kaisī rone kī āvāz aane lagtī hai

ye maslahat hai bujhāne kā jab irāda ho

havā diye kī kamar thapthapāne lagtī hai

mire darīche mire baam muskurāte haiñ

vo jab galī se mirī aane jaane lagtī hai

reaya zulm pe jab sar uThane lagti hai

to eqtidar ki lau thartharane lagti hai

hamesha hota hun koshish mein bhul jaane ki

wo yaad aur bhi shiddat se aane lagti hai

haqir karti hai yun bhi kabhi kabhi duniya

mere zamir ki qimat lagane lagti hai

ye raushnai jo phaili hai tere ashkon se

ye siskiyon ki sadaen sunane lagti hai

ghurub hota hai suraj to mere sine se

ye kaisi rone ki aawaz aane lagti hai

ye maslahat hai bujhane ka jab irada ho

hawa diye ki kamar thapthapane lagti hai

mere dariche mere baam muskuraate hain

wo jab gali se meri aane jaane lagti hai