reg-e-hasti ka istiara ban

reg-e-hastī kā isti.āra ban

ai samundar kabhī kināra ban

yaum-e-vāraftagī manā ik din

raqs karte hue sharāra ban

apnī marzī kī shakl de ḳhud ko

ḳhud ko saarā miTā dobāra ban

chhoḌ baaqī tamām sāzoñ ko

bas mohabbat kā ek-tārā ban

phuul ban kar dikhā zamāne ko

sañg-e-marmar na sañg-e-ḳhārā ban

ek dhāge se bāñdh le ḳhud ko

halkā-phulkā sā ho ġhubāra ban

bādaloñ se utar zamīñ par aa

āb-e-istāda tez dhārā ban

merī āñkhoñ meñ aa mohabbat se

merā dekhā huā nazzāra ban

mujh meñ ta.amīr kar makāñ apnā

dar darīcha kagar usārā ban

itnī ḳhāmoshiyoñ se behtar hai

koī ma.anī bharā ishāra ban

sub.h tak ḳhuub jagmagā 'nāsir'

raat kā āḳhirī sitāra ban

reg-e-hasti ka istiara ban

ai samundar kabhi kinara ban

yaum-e-waraftagi mana ek din

raqs karte hue sharara ban

apni marzi ki shakl de KHud ko

KHud ko sara miTa dobara ban

chhoD baqi tamam sazon ko

bas mohabbat ka ek-tara ban

phul ban kar dikha zamane ko

sang-e-marmar na sang-e-KHara ban

ek dhage se bandh le KHud ko

halka-phulka sa ho ghubara ban

baadalon se utar zamin par aa

aab-e-istada tez dhaara ban

meri aankhon mein aa mohabbat se

mera dekha hua nazzara ban

mujh mein tamir kar makan apna

dar daricha kagar usara ban

itni KHamoshiyon se behtar hai

koi mani bhara ishaara ban

subh tak KHub jagmaga 'nasir'

raat ka aaKHiri sitara ban