ret ke main mere asar mein ret

ret ke maiñ mire asar meñ ret

ret ke saath hai safar meñ ret

har kisī ko hai iḳhtilāf yahāñ

har kisī kī hai kyoñ nazar meñ ret

sūrat-e-dasht zindagānī hai

zindagī ke guzar-basar meñ ret

dasht jaisā to ho gayā huuñ maiñ

bhar ga.ī mere bām-o-dar meñ ret

mujh ko banñā hai qais ke jaisā

paañv chhalnī hoñ aur sar meñ ret

kyoñ Thikāna banā.ūñ sahrā ko

ab to uḌtī hai mere ghar meñ ret

jo sar-e-ā.ina chamaktī hai

aa.ine meñ hai yā nazar meñ ret

ret ke main mere asar mein ret

ret ke sath hai safar mein ret

har kisi ko hai iKHtilaf yahan

har kisi ki hai kyon nazar mein ret

surat-e-dasht zindagani hai

zindagi ke guzar-basar mein ret

dasht jaisa to ho gaya hun main

bhar gai mere baam-o-dar mein ret

mujh ko banna hai qais ke jaisa

panw chhalni hon aur sar mein ret

kyon Thikana banaun sahra ko

ab to uDti hai mere ghar mein ret

jo sar-e-aina chamakti hai

aaine mein hai ya nazar mein ret