ret muTThi mein bhari pani se aaghaz kiya

ret muTThī meñ bharī paanī se āġhāz kiyā

saḳht mushkil meñ thā āsānī se āġhāz kiyā

mujh ko miTTī se badan bante hue umr lagī

merī ta.amīr ne vīrānī se āġhāz kiyā

ye jahānoñ kā zamānoñ kā makānoñ kā safar

ġhaib ne lafz se yā ma.anī se āġhāz kiyā

jab bhī ye aañkh anāsir kī taraf dekhtī hai

yaad aatā hai pareshānī se āġhāz kiyā

jism aur ism mujhe kaise mile kis ne diye

in savālāt kī hairānī se āġhāz kiyā

ek ḳhāmosh samundar thā mire chaar taraf

jis meñ āvāz ne tuġhyānī se āġhāz kiyā

mujh ko bad-sūratī-e-jism kā andāza hai

maiñ ne ā.īna-e-uryānī se āġhāz kiyā

ret muTThi mein bhari pani se aaghaz kiya

saKHt mushkil mein tha aasani se aaghaz kiya

mujh ko miTTi se badan bante hue umr lagi

meri tamir ne virani se aaghaz kiya

ye jahanon ka zamanon ka makanon ka safar

ghaib ne lafz se ya mani se aaghaz kiya

jab bhi ye aankh anasir ki taraf dekhti hai

yaad aata hai pareshani se aaghaz kiya

jism aur ism mujhe kaise mile kis ne diye

in sawalat ki hairani se aaghaz kiya

ek KHamosh samundar tha mere chaar taraf

jis mein aawaz ne tughyani se aaghaz kiya

mujh ko bad-surati-e-jism ka andaza hai

main ne aaina-e-uryani se aaghaz kiya