rida-e-shab ko bhala kis tarah siya jae

ridā-e-shab ko bhalā kis tarah siyā jaa.e

tumhārī yaad na aa.e to kyā kiyā jaa.e

sharāb piine se kyā fā.eda agar yaaro

ise gunāh samajh kar nahīñ piyā jaa.e

zamāna pūchh rahā hai ki kyā huā tum ko

javāb soch rahā huuñ ki kyā diyā jaa.e

nahīñ hai koī bhī chāra sivā.e jiine ke

nahīñ hai koī bhī chāra to bas jiyā jaa.e

samajh meñ kuchh nahīñ aatā ki chhoḌ deñ kis ko

samajh meñ kuchh nahīñ aatā kise liyā jaa.e

rida-e-shab ko bhala kis tarah siya jae

tumhaari yaad na aae to kya kiya jae

sharab pine se kya faeda agar yaro

ise gunah samajh kar nahin piya jae

zamana puchh raha hai ki kya hua tum ko

jawab soch raha hun ki kya diya jae

nahin hai koi bhi chaara siwae jine ke

nahin hai koi bhi chaara to bas jiya jae

samajh mein kuchh nahin aata ki chhoD den kis ko

samajh mein kuchh nahin aata kise liya jae