rida koi dilruba nahin hai nigah koi dil-nashin nahin hai

ridā koī dilrubā nahīñ hai nigah koī dil-nashīñ nahīñ hai

tilism-e-zauq-e-nazar haiñ jalve vagarna koī hasīñ nahīñ hai

hamāre maqsad kī gumrahī se qadam qadam par bane haiñ kā'be

yahāñ jhukī hai vahāñ jhukegī kuchh kuchh e'tibār-e-jabīñ nahīñ hai

azal se ye rind-e-lā-ubālī gadā-e-maiḳhāna-e-nazar hai

qasam tirī kāfir añkhḌiyoñ kī sharāb aisī kahīñ nahīñ hai

ham apnā dukhḌā sunā rahe haiñ vo baiThe sun bhī rahe haiñ lekin

kuchh is tarah muskurā rahe haiñ ki jaise un ko yaqīñ nahīñ hai

qasam hai un surḳh āñsuon kī ki jin kī laḌiyāñ kabhī na TūTīñ

ki ab un āñkhoñ meñ koī qatra matā-e-'ashk'-e-hazīñ nahīñ hai

rida koi dilruba nahin hai nigah koi dil-nashin nahin hai

tilism-e-zauq-e-nazar hain jalwe wagarna koi hasin nahin hai

hamare maqsad ki gumrahi se qadam qadam par bane hain ka'be

yahan jhuki hai wahan jhukegi kuchh kuchh e'tibar-e-jabin nahin hai

azal se ye rind-e-la-ubaali gada-e-maiKHana-e-nazar hai

qasam teri kafir ankhDiyon ki sharab aisi kahin nahin hai

hum apna dukhDa suna rahe hain wo baiThe sun bhi rahe hain lekin

kuchh is tarah muskura rahe hain ki jaise un ko yaqin nahin hai

qasam hai un surKH aansuon ki ki jin ki laDiyan kabhi na TuTin

ki ab un aankhon mein koi qatra mata-e-'ashk'-e-hazin nahin hai