rida us chaman ki uDa le gai
ridā us chaman kī uḌā le ga.ī
daraḳhtoñ ke patte havā le ga.ī
jo harf apne dil ke Thikānoñ meñ the
bahut duur un ko sadā le ga.ī
chalā maiñ sa.ūbat se pur raah par
jahāñ tak mujhe intihā le ga.ī
ga.ī jis ghaḌī shām-e-sehr-e-vafā
manāzir se ik rañg sā le ga.ī
nishāñ ik purānā kināre pe thā
use mauj-e-dariyā bahā le ga.ī
'munīr' itnā husn us zamāne meñ thā
kahāñ us ko koī balā le ga.ī
rida us chaman ki uDa le gai
daraKHton ke patte hawa le gai
jo harf apne dil ke Thikanon mein the
bahut dur un ko sada le gai
chala main saubat se pur rah par
jahan tak mujhe intiha le gai
gai jis ghaDi sham-e-sehr-e-wafa
manazir se ek rang sa le gai
nishan ek purana kinare pe tha
use mauj-e-dariya baha le gai
'munir' itna husn us zamane mein tha
kahan us ko koi bala le gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
