rishton ki daldal se kaise niklenge

rishtoñ kī daldal se kaise nikleñge

har sāzish ke pīchhe apne nikleñge

chāñd sitāre god meñ aa kar baiTh ga.e

sochā ye thā pahlī bus se nikleñge

sab ummīdoñ ke pīchhe māyūsī hai

toḌo ye bādām bhī kaḌve nikleñge

maiñ ne rishte taaq pe rakh kar pūchh liyā

ik chhat par kitne parnāle nikleñge

jaane kab ye dauḌ thamegī sāñsoñ kī

jaane kab pairoñ se juute nikleñge

har kone se terī ḳhushbū aa.egī

har sandūq meñ tere kapḌe nikleñge

apne ḳhuun se itnī to ummīdeñ haiñ

apne bachche bhiiḌ se aage nikleñge

rishton ki daldal se kaise niklenge

har sazish ke pichhe apne niklenge

chand sitare god mein aa kar baiTh gae

socha ye tha pahli bus se niklenge

sab ummidon ke pichhe mayusi hai

toDo ye baadam bhi kaDwe niklenge

main ne rishte taq pe rakh kar puchh liya

ek chhat par kitne parnale niklenge

jaane kab ye dauD thamegi sanson ki

jaane kab pairon se jute niklenge

har kone se teri KHushbu aaegi

har sanduq mein tere kapDe niklenge

apne KHun se itni to ummiden hain

apne bachche bhiD se aage niklenge