riwaj-o-rasm na ghar-bar ke musafir hain

rivāj-o-rasm na ghar-bār ke musāfir haiñ

ham aur log haiñ us paar ke musāfir haiñ

safar qadīm se darpesh kaun sā hai hameñ

na jaane kaun sī dīvār ke musāfir haiñ

na manziloñ kā ta.ayyun na rāstoñ kī ḳhabar

ham aise log to be-kār ke musāfir haiñ

na sar meñ Dar hai kahīñ kā na ḳhauf-e-jaur-o-sitam

azaab raas haiñ āzār ke musāfir haiñ

haiñ farsh-e-rāh balā.eñ to ham-qadam aaseb

kisī jahān par asrār ke musāfir haiñ

mile agar to bhare ḳhushbueñ ḳhayāloñ meñ

ki dast-e-yār-e-tarah-dār ke musāfir haiñ

binā-e-raḳht binā-e-safar tavakkul hai

madad na dast-e-madad-gār ke musāfir haiñ

shumār-e-mauzūa-e-fitrat meñ sar khapāte haiñ

saroñ meñ dauḌte afkār ke musāfir haiñ

vo dostī ho adāvat ho kuchh bhī ho 'tāhir'

har ek chiiz meñ me.aar ke musāfir haiñ

riwaj-o-rasm na ghar-bar ke musafir hain

hum aur log hain us par ke musafir hain

safar qadim se darpesh kaun sa hai hamein

na jaane kaun si diwar ke musafir hain

na manzilon ka tayyun na raston ki KHabar

hum aise log to be-kar ke musafir hain

na sar mein Dar hai kahin ka na KHauf-e-jaur-o-sitam

azab ras hain aazar ke musafir hain

hain farsh-e-rah balaen to ham-qadam aaseb

kisi jahan par asrar ke musafir hain

mile agar to bhare KHushbuen KHayalon mein

ki dast-e-yar-e-tarah-dar ke musafir hain

bina-e-raKHt bina-e-safar tawakkul hai

madad na dast-e-madad-gar ke musafir hain

shumar-e-mauzua-e-fitrat mein sar khapate hain

saron mein dauDte afkar ke musafir hain

wo dosti ho adawat ho kuchh bhi ho 'tahir'

har ek chiz mein mear ke musafir hain