riwayat-e-dar-o-rasan chhoD aae

rivāyāt-e-dār-o-rasan chhoḌ aa.e

ham ik ishq kā bāñkpan chhoḌ aa.e

jo ḳhauf-e-ḳhizāñ se chaman chhoḌ aa.e

irādoñ kī apne thakan chhoḌ aa.e

jahāñ moḌ aayā hai dushvāriyoñ kā

azā.em ko himmat-shikan chhoḌ aa.e

vo mahfil meñ yuuñ aaj jalva-fagan hai

koī chāñd jaise gagan chhoḌ aa.e

jahāñ se chale haiñ tirī justujū meñ

vahāñ ik vafā kā chalan chhoḌ aa.e

hameñ bevafā.ī kā yuuñ ġham nahīñ hai

ham ik un ke dil meñ chubhan chhoḌ aa.e

jahāñ Thes pahuñchī hamārī anā ko

zamīñ kyā hai 'rāje' gagan chhoḌ aa.e

riwayat-e-dar-o-rasan chhoD aae

hum ek ishq ka bankpan chhoD aae

jo KHauf-e-KHizan se chaman chhoD aae

iradon ki apne thakan chhoD aae

jahan moD aaya hai dushwariyon ka

azaem ko himmat-shikan chhoD aae

wo mahfil mein yun aaj jalwa-fagan hai

koi chand jaise gagan chhoD aae

jahan se chale hain teri justuju mein

wahan ek wafa ka chalan chhoD aae

hamein bewafai ka yun gham nahin hai

hum ek un ke dil mein chubhan chhoD aae

jahan Thes pahunchi hamari ana ko

zamin kya hai 'raje' gagan chhoD aae