riya-kariyon se musallah ye lashkar mujhe mar denge

Hasan Abbas Raza

riya-kariyon se musallah ye lashkar mujhe mar denge

Hasan Abbas Raza

MORE BYHasan Abbas Raza

    riyā-kāriyoñ se musallah ye lashkar mujhe maar deñge

    maiñ bach bhī gayā to na.e hamla-āvar mujhe maar deñge

    ba-zāhir ye ahl-e-mohabbat haiñ lekin munāfiq bahut haiñ

    ye ik roz dām-e-mohabbat meñ kar mujhe maar deñge

    maiñ apnī āvāz apne saa.e se Darne lagā huuñ

    aur ab ḳhauf ye hai ki mere yahī Dar mujhe maar deñge

    isī meñ amaañ hai ki maiñ un ke chehre palaT kar na dekhūñ

    palaTne sūrat meñ ye kīna-parvar mujhe maar deñge

    maiñ hone ko apne bātin meñ rū-posh ho jā.ūñ lekin

    mire apne ahbāb shak binā par mujhe maar deñge

    ye kāmil yaqīñ hai ki jis din bhī apne muqābil meñ aayā

    mirī zaat meñ morcha-band ḳhud-sar mujhe maar deñge

    'hasan' ab khule āsmānoñ meñ parvāz karnā paḌegī

    vagarna ye ḳhisht-e-havas se bane ghar mujhe maar deñge

    riya-kariyon se musallah ye lashkar mujhe mar denge

    main bach bhi gaya to nae hamla-awar mujhe mar denge

    ba-zahir ye ahl-e-mohabbat hain lekin munafiq bahut hain

    ye ek roz dam-e-mohabbat mein la kar mujhe mar denge

    main apni hi aawaz apne hi sae se Darne laga hun

    aur ab KHauf ye hai ki mere yahi Dar mujhe mar denge

    isi mein aman hai ki main un ke chehre palaT kar na dekhun

    palaTne ki surat mein ye kina-parwar mujhe mar denge

    main hone ko apne hi baatin mein ru-posh ho jaun lekin

    mere apne ahbab shak ki bina par mujhe mar denge

    ye kaamil yaqin hai ki jis din bhi apne muqabil mein aaya

    meri zat mein morcha-band KHud-sar mujhe mar denge

    'hasan' ab khule aasmanon mein parwaz karna paDegi

    wagarna ye KHisht-e-hawas se bane ghar mujhe mar denge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY