riyazaton ki tapish mein rah kar pighal raha hun
riyāzatoñ kī tapish meñ rah kar pighal rahā huuñ
ye baat sach hai maiñ dhīre dhīre badal rahā huuñ
alāmat-e-ḳhāk-zādgī ho mazīd raushan
bas is liye ḳhaak apne chehre pe mal rahā huuñ
utaar kar qarz zindagānī kā rafta rafta
nafas ke vahshat-kade se bāhar nikal rahā huuñ
anā-parastoñ ke beach apnī anā ke sar ko
huuñ munkasir is liye musalsal kuchal rahā huuñ
duā.eñ maañ kī qadam qadam sā.ebāñ banī haiñ
'nadīm' gir gir ke is liye maiñ sambhal rahā huuñ
riyazaton ki tapish mein rah kar pighal raha hun
ye baat sach hai main dhire dhire badal raha hun
alamat-e-KHak-zadgi ho mazid raushan
bas is liye KHak apne chehre pe mal raha hun
utar kar qarz zindagani ka rafta rafta
nafas ke wahshat-kade se bahar nikal raha hun
ana-paraston ke beach apni ana ke sar ko
hun munkasir is liye musalsal kuchal raha hun
duaen man ki qadam qadam saeban bani hain
'nadim' gir gir ke is liye main sambhal raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
