rota hun qadr-dan-e-mata-e-hunar ko main

rotā huuñ qadr-dān-e-matā-e-hunar ko maiñ

lā.ūñ kahāñ se DhūñDh ke us dīda-var ko maiñ

sad hāsil-e-tarab hai rifāqat kī ye ghaḌī

vo mujh ko dekhte haiñ charāġh-e-sahar ko maiñ

muddat huī hai chāk-e-garebāñ siye hue

kartā huuñ yaad mausam-e-dīvāna-gar ko maiñ

lab par haiñ zindagī kī duā.eñ bahar-nafas

māyūs pā rahā huuñ masīhā nazar ko maiñ

dekhā hai tum ne kūcha-e-dildār meñ use

pahchāntā huuñ 'ġhālib'-e-āshufta-sar ko maiñ

rota hun qadr-dan-e-mata-e-hunar ko main

laun kahan se DhunDh ke us dida-war ko main

sad hasil-e-tarab hai rifaqat ki ye ghaDi

wo mujh ko dekhte hain charagh-e-sahar ko main

muddat hui hai chaak-e-gareban siye hue

karta hun yaad mausam-e-diwana-gar ko main

lab par hain zindagi ki duaen bahar-nafas

mayus pa raha hun masiha nazar ko main

dekha hai tum ne kucha-e-dildar mein use

pahchanta hun 'ghaalib'-e-ashufta-sar ko main