rote rote tanha chalte girte-paDte thak sa gaya hun

rote rote tanhā chalte girte-paḌte thak sā gayā huuñ

koī āñchal koī sāthī koī sahārā DhūñD rahā huuñ

rañg-birañge kapḌoñ meñ ik majma.a mele se aayā hai

koī chehra un chehroñ meñ tere jaisā DhūñD rahā huuñ

ai gulshan ke rahne vaalo meñ tum ko kyā yaad karūñgā

phuul nahīñ to kāñTe bhar do jholī phailā.e baiThā huuñ

pahle ḳhud ko to samjhā le auroñ ko samjhāne vaale

tū bhī ḳhud meñ ik aalam hai maiñ bhī ḳhud meñ ik duniyā huuñ

chanchal begāna saudā.ī hañsmukh farzāna harjā.ī

ek zarā sā jism hai jis meñ chhe chhe 'ashk' liye phirtā huuñ

rote rote tanha chalte girte-paDte thak sa gaya hun

koi aanchal koi sathi koi sahaara DhunD raha hun

rang-birange kapDon mein ek majma mele se aaya hai

koi chehra un chehron mein tere jaisa DhunD raha hun

ai gulshan ke rahne walo mein tum ko kya yaad karunga

phul nahin to kanTe bhar do jholi phailae baiTha hun

pahle KHud ko to samjha le auron ko samjhane wale

tu bhi KHud mein ek aalam hai main bhi KHud mein ek duniya hun

chanchal begana saudai hansmukh farzana harjai

ek zara sa jism hai jis mein chhe chhe 'ashk' liye phirta hun