roti hui aankhon ka wo manzar nahin dekha

rotī huī āñkhoñ kā vo manzar nahīñ dekhā

chhoḌ aa.e to phir ham ne palaT kar nahīñ dekhā

kuchh vo bhī samajhne kā takalluf nahīñ karte

kuchh ham ne zabāñ se kabhī kah kar nahīñ dekhā

shāyad usī kamyāb ko kahte haiñ tabassum

ham ne tire chehre pe jo aksar nahīñ dekhā

ham husn ba-andāz-e-hasīñ dekhne vaale

sach baat hai tujh sā koī paikar nahīñ dekhā

is zaḳhm kā zālim ko to ehsās bahut hai

jis zaḳhm ko ham ne kabhī gin kar nahīñ dekhā

ham ko to sar-e-hashr thī ik aur kasak bhī

jaate hue ham ne ruḳh-e-dilbar nahīñ dekhā

roti hui aankhon ka wo manzar nahin dekha

chhoD aae to phir hum ne palaT kar nahin dekha

kuchh wo bhi samajhne ka takalluf nahin karte

kuchh hum ne zaban se kabhi kah kar nahin dekha

shayad usi kamyab ko kahte hain tabassum

hum ne tere chehre pe jo aksar nahin dekha

hum husn ba-andaz-e-hasin dekhne wale

sach baat hai tujh sa koi paikar nahin dekha

is zaKHm ka zalim ko to ehsas bahut hai

jis zaKHm ko hum ne kabhi gin kar nahin dekha

hum ko to sar-e-hashr thi ek aur kasak bhi

jate hue hum ne ruKH-e-dilbar nahin dekha