roz dilha-e-mai-kashan TuTe

roz dilhā-e-mai-kashāñ TuuTe

ai ḳhudā jām-e-āsmāñ TuuTe

dushmanī is zamīn kī dekho

gumbad-e-qabr-e-dostāñ TuuTe

vasf-e-abrū-e-pur-shikan jo na ho

kyā ajab ḳhanjar-e-zabāñ TuuTe

rañg laa.e agar shikasta-dilī

bulbulo shāḳh-e-āshiyāñ TuuTe

nik.hat-e-gul se bas gayā gulshan

ġhuncha kyā chaTke itr-dāñ TuuTe

ḳhuub phailī hai bū-e-bāda-e-ishq

shīsha-e-dil kahāñ kahāñ TuuTe

le uḌegī havā-e-bām hameñ

na kareñge jo nardbāñ TuuTe

qasd-e-parvāz kā jo bojh paḌā

bāzū-e-murġh-e-nā-tavāñ TuuTe

lucknow chal ke jī lagā.ūñ 'munīr'

kis liye dil mirā yahāñ TuuTe

roz dilha-e-mai-kashan TuTe

ai KHuda jam-e-asman TuTe

dushmani is zamin ki dekho

gumbad-e-qabr-e-dostan TuTe

wasf-e-abru-e-pur-shikan jo na ho

kya ajab KHanjar-e-zaban TuTe

rang lae agar shikasta-dili

bulbulo shaKH-e-ashiyan TuTe

nikhat-e-gul se bas gaya gulshan

ghuncha kya chaTke itr-dan TuTe

KHub phaili hai bu-e-baada-e-ishq

shisha-e-dil kahan kahan TuTe

le uDegi hawa-e-baam hamein

na karenge jo nardban TuTe

qasd-e-parwaz ka jo bojh paDa

bazu-e-murgh-e-na-tawan TuTe

lucknow chal ke ji lagaun 'munir'

kis liye dil mera yahan TuTe