roz-e-raushan ko jo nisbat hai siyah raat ke sath

roz-e-raushan ko jo nisbat hai siyah raat ke saath

us ne rishta vahī rakhā hai mirī zaat ke saath

kuchh na thā baḳht meñ nākām mohabbat ke sivā

zindagī kaaT dī maiñ ne isī sauġhāt ke saath

shab kī shab ek charāġhāñ kā samāñ rahtā hai

shaam aa jaatī hai jab tere ḳhayālāt ke saath

abr-e-ġham dil se uThe az-sar-e-mizhgāñ barse

chashm-e-giryāñ ko ajab rabt hai barsāt ke saath

karb yādoñ kā rahā dard bhulāne kā rahā

ranj kyā kyā na sahe gardish-e-hālāt ke saath

shaiḳh jī aap ne dar-bandagī sajde hī gine

dil kī tathīr bhī lāzim thī ibādāt ke saath

mutribā kaun sune hai tirī chīḳhoñ kī sadā

lab-e-lālīñ pe thirakte hue naġhmāt ke saath

aur to kaam sabhī ho ga.e puure 'aḳhlāq'

dil-lagī rah ga.ī ik marg-e-mufājāt ke saath

roz-e-raushan ko jo nisbat hai siyah raat ke sath

us ne rishta wahi rakha hai meri zat ke sath

kuchh na tha baKHt mein nakaam mohabbat ke siwa

zindagi kaT di main ne isi saughat ke sath

shab ki shab ek charaghan ka saman rahta hai

sham aa jati hai jab tere KHayalat ke sath

abr-e-gham dil se uThe az-sar-e-mizhgan barse

chashm-e-giryan ko ajab rabt hai barsat ke sath

karb yaadon ka raha dard bhulane ka raha

ranj kya kya na sahe gardish-e-haalat ke sath

shaiKH ji aap ne dar-bandagi sajde hi gine

dil ki tathir bhi lazim thi ibaadat ke sath

mutriba kaun sune hai teri chiKHon ki sada

lab-e-lalin pe thirakte hue naghmat ke sath

aur to kaam sabhi ho gae pure 'aKHlaq'

dil-lagi rah gai ek marg-e-mufajat ke sath