roz uThta hai dhuan koh-e-nida ke us par
roz uThtā hai dhuāñ koh-e-nidā ke us paar
chāñd chup-chāp sulagtā hai fazā ke us paar
bhiig jaatī hai ye ma.asūm sī dhartī har sub.h
kaun rotā hai batāo to ghaTā ke us paar
sarhad-e-jism se aage had-e-imkāñ se pare
shahr-e-jāñ rahtā hai dīvār-e-anā ke us paar
nekiyāñ bāñTte rahne kī sazā lāzim hai
paara paara hai badan kū-e-jazā ke us paar
maiñ ki mañjdhār meñ huuñ kaun nikāle 'shabnam'
chhup gayā vo to kahīñ mujh ko bulā ke us paar
roz uThta hai dhuan koh-e-nida ke us par
chand chup-chap sulagta hai faza ke us par
bhig jati hai ye masum si dharti har subh
kaun rota hai batao to ghaTa ke us par
sarhad-e-jism se aage had-e-imkan se pare
shahr-e-jaan rahta hai diwar-e-ana ke us par
nekiyan banTte rahne ki saza lazim hai
para para hai badan ku-e-jaza ke us par
main ki manjdhaar mein hun kaun nikale 'shabnam'
chhup gaya wo to kahin mujh ko bula ke us par
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
