ruKH apna aaina mujhko bana ke dekh liya
Interesting Fact
December 1940
ruḳh apnā aa.ina mujh ko banā ke dekh liyā
mirī nigāh ke parde meñ aa ke dekh liyā
jo dost the unheñ dushman banā ke dekh liyā
zabāñ pe dil kī tamannā ko lā ke dekh liyā
haqīqat-e-ġham-e-hastī ke naqsh miT na sake
tilism-ḳhāna-e-armāñ banā ke dekh liyā
vo be-ḳhabar mire soz-e-jigar se phir bhī nahīñ
har ik nigāh pe parda girā ke dekh liyā
unheñ qubūl nahīñ ishq-e-rā.egāñ apnā
qadam qadam pe nigāheñ bichhā ke dekh liyā
ab aur is se sivā chāhte ho kyā 'mullā'
ye kam hai us ne tumheñ muskurā ke dekh liyā
ruKH apna aaina mujh ko bana ke dekh liya
meri nigah ke parde mein aa ke dekh liya
jo dost the unhen dushman bana ke dekh liya
zaban pe dil ki tamanna ko la ke dekh liya
haqiqat-e-gham-e-hasti ke naqsh miT na sake
tilism-KHana-e-arman bana ke dekh liya
wo be-KHabar mere soz-e-jigar se phir bhi nahin
har ek nigah pe parda gira ke dekh liya
unhen qubul nahin ishq-e-raegan apna
qadam qadam pe nigahen bichha ke dekh liya
ab aur is se siwa chahte ho kya 'mulla'
ye kam hai us ne tumhein muskura ke dekh liya
Source:
Kulliyat-e-Anand Narayan Mulla (Pg. 184)
- Author: Khaliq Anjum
-
- Edition: 2010
- Publisher: National Council for Promotion of Urdu Language-NCPUL
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
