ruKH jo badla gham-e-zindagi ne

ruḳh jo badlā ġham-e-zindagī ne

mujh ko apnā liyā mai-kashī ne

mauj-e-tūfāñ meñ thā kaun apnā

aa ke sāhil pe pūchhā sabhī ne

khul hī jaatā thā rāz-e-ḳhudā.ī

vo to rokā had-e-bandagī ne

shaam se sub.h tak koī pūchhe

kyā diyā sham.a ko raushnī ne

varna pahchāntā kaun 'raunaq'

mujh ko rusvā kiyā shā.irī ne

ruKH jo badla gham-e-zindagi ne

mujh ko apna liya mai-kashi ne

mauj-e-tufan mein tha kaun apna

aa ke sahil pe puchha sabhi ne

khul hi jata tha raaz-e-KHudai

wo to roka had-e-bandagi ne

sham se subh tak koi puchhe

kya diya shama ko raushni ne

warna pahchanta kaun 'raunaq'

mujh ko ruswa kiya shairi ne