rumuz-e-chashm-e-karam se jo ba-kamal hue

rumūz-e-chashm-e-karam se jo bā-kamāl hue

nisāb-e-ishq meñ vo log lā-zavāl hue

harīm-e-nāz tirī bazm se nikāle hue

safīr-e-nūr hue ā.ina-misāl hue

kabhī guzar to sahī tū bhī is ḳharābe se

kabhī to dekh ki ham kitne pā.emāl hue

havā-e-kū-e-tamannā pukārtī hai jinheñ

vo log ḳhvāb hue gard-e-māh-o-sāl hue

musāfiroñ se kaho hadd-e-shahr ḳhatm huī

ye dasht-e-hijr hai chehre yahāñ ḳhayāl hue

ye kaisī sub.h-e-tamannā hai ghar ke āñgan meñ

asīr-e-zulmat-e-shab mere naunihāl hue

koī to dekhe ye mahbūbiyat kī manzil bhī

jamāl-e-kaun-o-makāñ nazr-e-ḳhadd-o-ḳhāl hue

rumuz-e-chashm-e-karam se jo ba-kamal hue

nisab-e-ishq mein wo log la-zawal hue

harim-e-naz teri bazm se nikale hue

safir-e-nur hue aaina-misal hue

kabhi guzar to sahi tu bhi is KHarabe se

kabhi to dekh ki hum kitne paemal hue

hawa-e-ku-e-tamanna pukarti hai jinhen

wo log KHwab hue gard-e-mah-o-sal hue

musafiron se kaho hadd-e-shahr KHatm hui

ye dasht-e-hijr hai chehre yahan KHayal hue

ye kaisi subh-e-tamanna hai ghar ke aangan mein

asir-e-zulmat-e-shab mere naunihaal hue

koi to dekhe ye mahbubiyat ki manzil bhi

jamal-e-kaun-o-makan nazr-e-KHadd-o-KHal hue